Maliqi nis përgatitjet për sezonin e ri: Egli Malësia konfirmohet si trajner

Pas një sezoni të kaluar të qëndrueshëm, ku skuadra e Maliqit e mbylli kampionatin në mesin e tabelës me një paraqitje dinjitoze, klubi ka nisur përgatitjet për sezonin e ri futbollistik. Puna ka filluar nga drejtimi teknik, dhe duket se kontinuiteti është zgjedhur si strategji për vazhdimësinë e projektit sportiv.

Burime pranë klubit bëjnë me dije se trajneri Egli Malësia do të vijojë në krye të pankinës së skuadrës edhe për edicionin e ardhshëm. Me një përvojë të konsiderueshme në futbollin shqiptar, Malësija ka drejtuar jo vetëm ekipin e Maliqit, por edhe skuadra të tjera në Kategorinë e Parë dhe të Dytë, duke fituar respekt dhe vlerësim për punën e tij.

Vendimi për të vazhduar me të njëjtin trajner duket se është marrë në bashkëpunim të ngushtë me kryetarin e Bashkisë së Maliqit, z. Gëzim Topçiu, i cili ka garantuar mbështetjen e tij të plotë për skuadrën. Performanca e mirë e ekipit nën drejtimin e Malësisë dhe filozofia e qartë e punës së tij kanë fituar besimin e drejtuesve vendorë.

Në ditët në vijim pritet të nisë edhe faza e parë e përgatitjeve, ku do të bëhen të ditura afrimet dhe largimet në përbërjen e skuadrës, si dhe objektivat që Maliqi do të ketë për sezonin e ardhshëm.

“KORÇA BOOM”