Mbrojtësi korçar gjen ekip të ri, firmos për dy vite

Jorgo Pëllumbi është zyrtarisht futbollisti më i ri i kampionëve të Kosovës, Drita. Klubi nga Gjilani ka arritur marrëveshjen me mbrojtësin korçar dhe ka nënshkruar një kontratë dyvjeçare me të.

Mbrojtësi 25-vjeçar, i cili ka spikatur në futbollin shqiptar me fanellën e Skënderbeut dhe më pas Kukësit, ka qenë së fundmi pjesë e Debrecenit në Hungari. Ai doli lojtar i lirë gjatë kësaj vere dhe pas disa ofertave në tavolinë, ka zgjedhur të nisë një aventurë të re në Superligën e Kosovës.

Prezantimi zyrtar i Pëllumbit pritet të bëhet në orët në vijim, ndërsa bëhet fjalë për përforcim me peshë për Dritën, që këtë sezon do të marrë pjesë për herë të parë në historinë e saj në fazën e grupeve të UEFA Conference League.

Ndërkohë, edhe Dinamo e Tiranës kishte shfaqur interes për shërbimet e mbrojtësit, por palët nuk arritën në një marrëveshje.

“KORÇA BOOM”