Mbyllen hetimet për Ilir Metën, avokati: Mali me akuza, rezultoi një hiç

Prokurori Sotir Kllapi i ka komunikuar zyrtarisht mbylljen e hetimeve ish-presidentit të Republikës dhe kreut të Partisë së Lirisë, Ilir Meta.

Në këtë seancë ka qenë i pranishëm edhe avokati Kujtim Cakrani, ndërsa Meta është transportuar nga ambientet e paraburgimit 313 drejt Prokurorisë së Posaçme (SPAK).

Komunikimi për mbylljen e hetimeve ishte planifikuar që javën e kaluar, por u shty për shkak të mungesës së avokatit të tij, i cili ndodhej jashtë vendit.

Më herët, më 27 maj, Metës i janë komunikuar akuzat nga SPAK, ndërsa të njëjtën procedurë për mbylljen e hetimeve e kanë ndjekur edhe për Monika Kryemadhin, Pirro Xhixhon, Ema Cokun dhe Fatime Kryemadhin.

Avokati Cakrani u shpreh se “mali me akuza” ndaj Metës rezultoi i pabazë dhe se klienti i tij është i pafajshëm për të gjitha pikat e ngritura në dosje.

Prokuroria pritet të vendosë nëse çështja do të shkojë në gjykatë apo do të pushohet përfundimisht.

“KORÇA BOOM”