Ndahet nga jeta një nga figurat me ndikim në politikën e jashtme

Është ndarë nga jeta në moshën 79-vjeçare ish-anëtari i Dhomës së Përfaqësuesve të SHBA-së, Eliot Engel, një figurë e njohur e politikës amerikane me një karrierë të gjatë në Kongres.

Sipas njoftimeve zyrtare, Engel ndërroi jetë pas një kontributi mbi tre dekada në jetën politike amerikane. Ai shërbeu në Kongres nga viti 1989 deri në vitin 2021, duke përfaqësuar shtetin e New Yorkut.

Gjatë karrierës së tij, ai mbajti role të rëndësishme, veçanërisht në Komitetin për Punët e Jashtme, ku u dallua për angazhimin në çështjet ndërkombëtare dhe politikën e jashtme të Shteteve të Bashkuara.

Eliot Engel njihej gjithashtu për mbështetjen e tij ndaj Ballkanit dhe Kosovës, duke qenë një zë i fortë në mbrojtje të interesave të rajonit në arenën ndërkombëtare.

Ndarja e tij nga jeta shënon humbjen e një prej figurave me ndikim në politikën e jashtme amerikane dhe një personaliteti që ka lënë gjurmë në marrëdhëniet ndërkombëtare.

“KORÇA BOOM”