Nga fusha në pankinë, ish-lojtari i Skënderbeut emërohet trajner i ekipit të ri

Ditmar Bicaj është trajneri i ri i skuadrës së Lushnjës. Ai merr vendin e Erion Xhafës, i cili dha dorëheqjen pas një fillimi të vështirë në kampionat, ku verdhejeshilët kanë regjistruar pesë barazime në pesë ndeshje.

Kjo është eksperienca e dytë për Bicajn në Kategorinë e Parë, pas sezonit të kaluar kur drejtoi Burrelin dhe arriti rezultate pozitive me ekipin matjan.

Përmes një njoftimi në rrjete sociale, trajneri i ri i Lushnjës shprehet:

Përshëndetje të gjithëve. Nga sot kam kënaqësinë t’ju informoj që jam pjesë e klubit KF Lushnja. Për mua marrja e kësaj detyre si trajner i parë është një vlerësim dhe përgjegjësi e madhe, sepse do të përfaqësoj një qytet me tradita historike në futboll. Falënderoj kryetaren e Bashkisë Eriselda Sefa dhe drejtorët Marius Liçka dhe Marius Sula për besimin e dhënë. Shpresojmë të gjithë së bashku ta ngremë futbollin lushnjar aty ku i takon. Forca Lushnja.

Klubi i Lushnjës shpreson që me emërimin e Bicajt të nisë një faqe e re dhe ekipi të rikthehet te rezultatet pozitive.

“KORÇA BOOM”