Nga goli i anuluar te autogoli: Josa i zhgënjyer me mënyrën si u luajt ndeshja

Trajneri i Bylisit, Mirel Josa, ka komentuar ndeshjen ndaj Vllaznisë, duke e përshkruar si një sfidë me dy fytyra për skuadrën e tij. Në deklaratën pas përfundimit të takimit, ai vlerësoi se ekipi i tij nuk e interpretoi siç duhej lojën në pjesën e parë dhe se gabimet individuale ndikuan në rezultatin përfundimtar.

“Mua nuk më takon të diskutoj episodet e ndeshjes, por vetëm zhvillimin e saj. Nuk janë vetëm 22 lojtarë në fushë, por edhe tre gjyqtarë që drejtojnë lojën. Ne kemi pretendimet tona, por nuk do të hyj në to,” – u shpreh Josa.

Ai theksoi se skuadra nuk kishte qetësi në ndërtimin e lojës dhe se mesfusha vuajti nga pasimet e pasakta: “Tre lojtarët tanë të mesit të fushës duhet të ishin më të saktë në pasime. Gabimet e shumta na lanë pa shprehje në aspektin sulmues dhe na vendosën nën presion.”

Josa u ndal edhe te goli i anuluar i Vllaznisë, duke thënë se mbrojtja e Bylisit duhej të kishte reaguar më mirë. “Duhet të kishim bërë më mirë në rrëshqitjet mbrojtëse. Edhe autogoli që pësuam erdhi nga një gabim i thjeshtë në pasim.”

Trajneri i ballshiotëve pranoi se në pjesën e dytë skuadra u përmirësua dhe reagoi më mirë, por nënvizoi se situata mund të ishte menaxhuar ndryshe. “Nuk mund ta komentoj më shumë pjesën e dytë. Mendoj se e interpretuam më mirë lojën, pavarësisht autogolit që na penalizoi.”

I pyetur për mungesën e Malomos në formacionin titullar, Josa tha se lojtari kishte shqetësime fizike. “Malomo kishte një shqetësim në gju, nuk ishte plotësisht i gatshëm për të nisur nga fillimi. Kur hyri në lojë, bëri mirë, ndonëse mund të kishte pasur më shumë saktësi në disa veprime.”

“KORÇA BOOM”