NGJARJE E RËNDË në Korçë/ Njerku plagos me th*kë 18-vjeçarin, i riu në reanimacion

Një ngjarje e rëndë është regjistruar mbrëmjen e sotme në qytetin e Korçës, ku një 18-vjeçar ka mbetur i plagosur me thikë dhe ndodhet në gjendje të rëndë në spital.

Sipas informacioneve paraprake, i riu dyshohet se është goditur me thikë nga njerku i tij pas një konflikti të ndodhur mes tyre.

18-vjeçari është paraqitur në urgjencën e Spitalit Rajonal të Korçës me dëmtime në kokë, ku po merr ndihmë mjekësore. Burime bëjnë me dije se ai ndodhet në repartin e reanimacionit.

Shërbimet e Komisariatit të Policisë kanë bërë të mundur kapjen dhe arrestimin e autorit të dyshuar, shtetasit Niko Baka, 37 vjeç.

Grupi hetimor vijon punën për zbardhjen e plotë të rrethanave të ngjarjes dhe dokumentimin e saj ligjor.

Korçë / Informacion

Plagosi me mjet prerës djalin e bashkëjetueses, falë reagimit të menjëhershëm të shërbimeve të Policisë lokalizohet dhe vihet në pranga 37-vjeçari.

Rreth orës 21:55, në spital është paraqitur i dëmtuar në kokë, dyshohet me mjet prerës, shtetasi A. S., rreth 18 vjeç, i cili, sipas të dhënave paraprake, është dëmtuar gjatë një konflikti për motive të dobëta me njerkun e tij, shtetasin N. B., 37 vjeç.

Pas ngjarjes, 37-vjeçari është larguar nga vendi i konfliktit.

Falë reagimit të menjëhershëm të shërbimeve të Policisë, u bë i mundur lokalizimi, kapja dhe shoqërimi në Komisariat, për kryerjen e veprimeve të mëtejshme procedurale, i autorit të dyshuar të ngjarjes.

Grupi hetimor, nën drejtimin e Prokurorisë, vijon punën për zbardhjen e plotë të rrethanave dhe dokumentimin ligjor të rastit.

“KORÇA BOOM”