Një lidhje më e shpejtë drejt Juglindjes, inaugurohet aksi Qukës-Qafë Plloçë

Sot, më 5 shtator, në ditën që përkon me Shenjtërimin e Nënë Terezës, do të inaugurohet aksi i ri rrugor Qukës-Qafë Plloçë. Ceremonia e hapjes do të zhvillohet në orën 11:00 dhe do të mbledhë figura të larta të politikës dhe administratës lokale.

Në këtë event do të jenë të pranishëm kryeministri Edi Rama, ministrja e Infrastrukturës Belinda Balluku, drejtuesi i Qarkut të Korçës Niko Peleshi, si dhe kryebashkiakët e Pogradecit dhe Korçës, Ilir Xhakolli dhe Sotiraq Filo, përveç zyrtarëve të tjerë.

Rruga e re Qukës-Qafë Plloçë pritet të shkurtojë distancën dhe kohën e udhëtimit nga kryeqyteti drejt juglindjes së vendit. Me një infrastrukturë më të përmirësuar dhe shpejtësi më të lartë, kjo arterie do të lehtësojë lidhjen dhe do të kontribuojë në zhvillimin ekonomik dhe social të zonës.

“KORÇA BOOM”