Një udhëtim që përfundoi në tragjedi: Autobusi bie në humnerë

Një aksident i rëndë ka ndodhur të mërkurën në mëngjes në jug të Perusë, ku të paktën 37 persona kanë humbur jetën dhe dhjetëra të tjerë janë plagosur, pasi një autobus doli nga rruga dhe ra nga një shkëmb në lagjen Ocona të Arequipas.

Sipas autoriteteve lokale, 36 persona kanë ndërruar jetë në vendngjarje, ndërsa një tjetër ka vdekur në spital si pasojë e plagëve të marra. Autobusi, që po udhëtonte në drejtim të qytetit Arequipa, është përplasur fillimisht me një kamionetë dhe më pas ka rënë në një përrua, duke shkaktuar skenë tragjike.

Qeveria rajonale e Arequipas njoftoi se 26 persona të plagosur po marrin trajtim mjekësor, ndërsa tre prej tyre ndodhen në gjendje kritike për jetën.

Shkaqet e aksidentit po hetohen nga autoritetet, ndërsa ekipet e emergjencës vijojnë kërkimet dhe shpëtimin në zonën e vështirë të aksidentit.

"KORCA BOOM"