Parashikimi për të enjten/ Mot pranveror, temperatura deri në 20°C

Temperaturat deri në 20°C, erë mesatare me intensifikim në bregdet dhe valëzim i moderuar në det

Ditën e enjte, më 9 prill, vendi ynë pritet të ndikohet nga kushte atmosferike të qëndrueshme, sipas parashikimit të Shërbimit Meteorologjik Ushtarak.

Moti parashikohet i alternuar, me kthjellime dhe vranësira kalimtare në pjesën më të madhe të territorit. Temperaturat do të luhaten nga 3°C në zonat malore deri në 20°C në ultësirën perëndimore dhe qytetet kryesore.

Në qarqet si Tirana, Elbasani, Fieri dhe Berati, temperaturat maksimale do të arrijnë rreth 20°C, ndërsa në zonat verilindore dhe juglindore si Kukësi, Peshkopia dhe Korça, maksimumet do të jenë disi më të ulëta, nga 16°C deri në 19°C.

Era do të fryjë me drejtim nga veriperëndimi në verilindje, me shpejtësi mesatare deri në 6 m/s. Herë pas here, ajo pritet të forcohet duke arritur deri në 14 m/s, kryesisht përgjatë vijës bregdetare dhe në zonat luginore.

Sa i përket kushteve detare, në detin Adriatik dhe Jon parashikohet valëzim i forcës 2 deri në 4 ballë, çka tregon për një situatë relativisht të qetë deri mesatare në det.

“KORÇA BOOM”