Plas grabitja, argjendaria bëhet objekt i sulmit me a*më

Një grabitje me armë është raportuar këtë të martë në një argjendari në zonën e Paskuqanit, në Kamëz.

Sipas informacioneve të para, persona ende të paidentifikuar dyshohet se kanë hyrë të armatosur në argjendari, ku kanë realizuar grabitjen. Deri në këto momente nuk janë bërë të ditura rrethanat e plota të ngjarjes, si dhe vlera e sendeve të marra.

Menjëherë pas marrjes së njoftimit, shërbimet e Policisë kanë mbërritur në vendngjarje, kanë siguruar zonën dhe kanë nisur veprimet hetimore për identifikimin dhe kapjen e autorëve.

Grupi hetimor po punon për zbardhjen e plotë të ngjarjes, ndërsa priten më shumë detaje zyrtare në vijim.

“KORÇA BOOM”