POLICIA/ Arrestime në Korçë e Pogradec. Ja deklarata e bluve për sot, e diel, 22 qershor 2025!

Drejtoria Vendore e Policisë Korçë

Në vijim të informacionit paraprak të dhënë ditën e djeshme, ku në lagjen nr.1 Pogradec, në ambientet e një lokali kishte ndodhur një konflikt për motive të dobëta midis disa personave dhe ngelën të dëmtuar, me sende të forta shtetasit M. Xh., dhe K. N., të cilët janë jashtë rrezikut për jetën, iu informojmë se: Specialistët për Hetimin e Krimeve në Komisariatin e Policisë Pogradec arrestuan në flagrancë shtetasit: M. Xh., 32 vjeç, A. K., 38 vjeç, D. Xh., 33 vjeç, E. Ç., 41 vjeç, N. Ç., 42 vjeç, dhe K. N., 37 vjeç, banues në Pogradec, si dhe shpallën në kërkim shtetasin E. A., 21 vjeç, për veprat penale " Plagosje e rëndë me dashje", " Shkatërrimi i pronës", dhe "Prishja e qetësisë publike".

Specialistët e Sektorit të Qarkullimit Rrugor arrestuan në flagrancë shtetasin S. Zh., banues në Korçë, pasi ku kap duke drejtuar automjetin në gjendje të dehur.

Në vijim të informacionit paraprak të dhënë ditën e djeshme për një aksident të ndodhur në fshatin Nizhavec,Maliq, ku ngeli i dëmtuar shtetasi L. S., 21 vjeç, i cili është duke marrë mjekim në spital jashtë rrezikut për jetën, ju informojmë se: Specialistët e Sektorit të Qarkullimit Rrugor referuan materialet në Prokurori, ku filloi procedimi penal për shtetasin J. D., 61 vjeç, banues në Vreshtas, për veprën penale "Shkelja e rregullave të qarkullimit rrugor".

Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasen S. L., 32 vjeçe, banues në Itali, pasi gjatë kontrollit të ushtruar në një ambient lokal të marrë me qira prej saj, u konstatua që ushtronte aktivitetin duke mos lëshuar kupon tatimor.

Më datën 21. 06.2025, në rrugën "Qukës-Qafë Plloçë", në automjetin në pronësi të firmës "2T", dyshohet se ka rënë zjarr. Nga veprimet e para hetimore dyshohet se zjarri ka rënë si pasojë e një mase elektrike.

Më datën 21.06.2025, në fshatin Moravë, Korçë, në banesën e shtetasit V. M., 81 vjeç, dyshohet se ka rënë zjarr si pasojë e një rrjedhje gazi. Si pasojë e flakëve ka marrë dëmtime të lehta vetë pronari i banesës, i cili pas mjekimit të marrë në spital u largua në banesë.

Materialet procedurale i kaluan Prokurorisë për veprime të mëtejshme.

“KORÇA BOOM”