Prefekti Nertil Jole/Takim me përfaqësues të UNHCR për projektin "EU4Migration"

Sot zhvillova një takim me përfaqësues dhe ekspertë të Zyrës së Komisionerit të Lartë të Kombeve të Bashkuara për Refugjatët (UNHCR), të cilët më prezantuan projektin "EU4Migration", të mbështetur nga delegacioni i Bashkimit Evropian. Projekti ka në fokus decentralizimin e procedurave të azilit.

Ky projekt synon krijimin e një sistemi më të thjeshtuar për adresimin e nevojave të personave që kërkojnë mbrojtje ndërkombëtare, në përmbushje të angazhimit të marrë nga qeveria shqiptare në Forumin Global për Refugjatët 2023. Angazhimi është gjithashtu pjesë e detyrimeve institucionale në kuadër të procesit të negociatave për integrimin e Shqipërisë në Bashkimin Evropian.

Gjatë takimit shpreha gatishmërinë për të qenë gjithmonë bashkëpunues dhe nxitës në krijimin e një klime ndihmuese institucionale, duke ofruar asistencën e nevojshme për çdo rast që kërkon trajtim nga autoritetet përkatëse.

 “KORÇA  BOOM”