“Punoj në SPAK”, por ishte mashtrim, arrestohet ndërtuesi pa leje

Policia e Tiranës ka arrestuar një shtetas i cili tentoi të mashtronte inspektorët e IMT-së duke u prezantuar si shofer i kancelares së Prokurorisë së Posaçme.

Shtetasi me inicialet R. I. kishte ndërtuar një objekt pa leje në një zonë të Tiranës. Gjatë kontrollit nga inspektorët e Inspektoratit të Mbrojtjes së Territorit, ai i ka kërcënuar dhe u është prezantuar si punonjës i Prokurorisë së Posaçme, konkretisht si shofer i kancelares së SPAK.

Pas verifikimeve të kryera nga autoritetet, rezultoi se shtetasi në fjalë nuk kishte asnjë lidhje me këtë institucion dhe deklaratat e tij ishin të rreme.

Objekti pa leje u konstatua dhe rasti u referua për hetime të mëtejshme në organet ligjzbatuese. Ndaj shtetasit R. I. rëndon tashmë akuza për ndërtim të paligjshëm dhe kallëzim të rremë.

“KORÇA BOOM”