Përmbyllet edicioni i 22-të i kursit për licencën UEFA A, diplomohen 25 trajnerë të rinj

Federata Shqiptare e Futbollit, në bashkëpunim me UEFA-n, përmbylli edicionin e 22-të të kursit për licencën e trajnerit UEFA A, i cili nisi në janar dhe zgjati për gjashtë muaj. Në ceremoninë përmbyllëse u shpërndanë licencat për 25 trajnerë të rinj, ndër të cilët ishin edhe 3 vajza.

Ky kurs mblodhi së bashku figura të njohura të futbollit shqiptar, si Shkëlzen Gashi, Jahmir Hyka, Sabien Lilaj, Arian Sheta, Ardit Beqiri dhe trajnerja e Kombëtares U15, Daniela Kodra.

Licenca UEFA A është një nivel shumë i rëndësishëm në karrierën e trajnerëve, pasi është e detyrueshme për trajnerët e ekipeve të para, skuadrave U-21, U-19 dhe për zëvendës-trajnerët në Kategorinë Superiore, duke luajtur një rol kyç në zhvillimin profesional të futbollistëve në vend.

“KORÇA BOOM”