Përplasje e fortë mes automjetit dhe motorit, plagosen bashkëshortët

Një aksident rrugor është regjistruar këtë të mërkurë në zonën e Laprakës në kryeqytet, ku një automjet tip “Benz” ka përplasur një motor me dy pasagjerë.

Sipas informacioneve paraprake, në motor udhëtonin një çift, burrë dhe grua, të cilët kanë pësuar lëndime si pasojë e përplasjes. Të plagosurit janë transportuar menjëherë drejt spitalit për ndihmë mjekësore. Ende nuk dihet gjendja e tyre shëndetësore.

Grupi hetimor ndodhet në vendngjarje dhe po punon për zbardhjen e rrethanave të aksidentit. Shkaqet e sakta të ngjarjes nuk janë bërë ende të ditura.

"KORÇA BOOM"