Rama jep ultimatum të fortë: Dorëheqjet e kryetarëve të njësive administrative, afati i fundit sot

Kryeministri Edi Rama ka kërkuar shkarkimin e të gjithë kryetarëve të njësive administrative në të gjithë vendin, duke i dhënë afat deri më 14 korrik 2025 për të realizuar këtë proces. 

Ky vendim është marrë pas një takimi me kryebashkiakët në Durrës, ku Rama theksoi se ky hap është i nevojshëm për t'u hapur mundësi kandidatëve të rinj dhe për të rritur efikasitetin e administratës.

Në përputhje me këtë ultimatum, janë regjistruar dorëheqje në disa bashki. Në Bashkinë Gjirokastër, administratorët e njësive Gjirokastër, Cepo, Lazarat, Lunxheri, Antigone, Odrie dhe Picar kanë paraqitur dorëheqjet e tyre. Po ashtu, në Bashkinë Devoll, katër kryetarë të njësive administrative kanë dhënë dorëheqjen, ndërsa në Kukës, 14 administratorë të njësive dhe 2 nënkryetarë të bashkisë kanë lënë detyrën. Këto largime pasojnë kërkesën e Ramës për një "spastrimi" në administratën vendore.

Kryeministri Rama ka theksuar se ky proces është pjesë e një reforme më të gjerë për të rritur efikasitetin e administratës dhe për të siguruar që strukturat vendore t'u shërbejnë më mirë qytetarëve. Ai ka kërkuar që të gjithë kryetarët e njësive administrative të shkarkohen, duke u dhënë mundësi të tjerëve që mund të jenë më të aftë për të kontribuar në zhvillimin e komunitetit. 

Ky proces pritet të vazhdojë edhe në bashki të tjera, ndërsa Rama ka theksuar se nuk do të ketë asnjë tolerim për strukturat vendore që nuk u shërbejnë qytetarëve dhe që nuk janë të angazhuara në zhvillimin e komunitetit.

“KORÇA BOOM”