Rrezik i madh në rrugët malore, furgonët e shkollës të bllokuar

Furgonat e shkollës që transportonin rreth 50 persona kanë ngecur në dëborë, ndërkohë që shërbimet e pastrimit të rrugëve nuk kanë ndërhyrë për të siguruar qarkullimin.

Sipas informacionit nga vendi i ngjarjes, grupi i qytetarëve po tenton të kthehet në rrugë në kushte jashtëzakonisht të rrezikshme, duke u përballur me mundësinë e rrëshkitjes së furgonit dhe aksidenteve të mundshme.

Ky incident tregon një dështim të qartë të autoriteteve përgjegjëse për mirëmbajtjen e infrastrukturës dhe sigurinë e qytetarëve. Borëpastruesit nuk kanë qenë në vend për të garantuar lëvizjen e sigurt, duke e lënë komunitetin të pambrojtur dhe të rrezikuar.

Qytetarët kërkojnë ndërhyrje urgjente dhe marrjen e masave për të parandaluar situata të tilla në të ardhmen. Siguria dhe shërbimet bazë nuk mund të mbeten prioritet i dytë, sidomos në zonat malore, ku kushtet e motit përbëjnë një rrezik serioz për jetën.

"KORCA BOOM"