Sa shumë legjenda në një foto/ Nga Kaçi, Dembo, Xhambazi, Lika, Ballço, të gjithë Ikona bardhekuq!

Sot po sjellim një nga fotot më të fundit të shumë Ikonave të sportit korçar dhe atij shqiptar. Të dielën që kaloi u zhvillua ndeshja ndërkombëtareve e veteranëve, mes Skënderbeut dhe kombëtares së Selanikut dhe u fitua 5-1 nga bardhekuqtë.

Në këtë ndeshje, të ftuar Nderi ishin veteranët e Skënderbeut të cilët i shikoni më poshtë, që sot janë një vlerë e madhe për gjithë qytetin tonë dhe për gjithë Shqipërinë. Emra të tillë, si, Jani Kaçi, Gjergji Ballço, Dhimitraq Dembo, Gjergji Lika, apo edhe i madhi Dhimitraq Xhambazi kanë pozuar së bashku si për të thënë se kjo foto është më shumë se Legjendë e madhe.

Ta ka ënda ti shikosh sot këta ish-futbollistë që kaq shumë e kanë ngritur emrin e madh të Skënderbeut për dekada e dekada me radhë.

Nesër kjo foto do të jetë me shumë vlera për tu treguar brezave të ardhshëm se futbolli kanë qenë këta dhe shumë të tjerë që sot nuk i kemi më midis nesh.

Sa shumë respekte dhe sa shumë krenari për Ju. Jeni vërtet Ikona…

“KORÇA BOOM”