"Shqipëria Bëhet" vijon odisenë në gjykatë për mandatin – Pritet vendimi nga KAS

Odisea ligjore rreth mandatit të një përfaqësuesi të subjektit “Shqipëria Bëhet” vijon ende në gjykatë, pa një zgjidhje përfundimtare.

Në qendër të çështjes është mandati i dhënë vajzës së tezes së Adriatik Llapajt, një emër i njohur në radhët e këtij grupimi politik i cili është vënë në pikëpyetje dhe ka shkaktuar debate dhe përplasje mes palëve të përfshira.

Aktualisht, rasti ndodhet në vëmendjen e Komisionit të Ankimimeve dhe Sanksioneve (KAS), i cili pritet të japë një vendim që mund të ndikojë drejtëpërdrejt në përfaqësimin politik të këtij subjekti. Procesi ka marrë vëmendje të gjerë mediatike dhe shihet si një shembull i ngërçit ligjor dhe institucional me të cilin mund të përballen forcat e reja politike në vend.

Përplasjet mes aktorëve politikë dhe mosmarrëveshjet rreth interpretimit të ligjit elektoral e kanë shndërruar këtë çështje në një ngërç që ende nuk ka marrë një zgjidhje përfundimtare. Ajo që dikur u mendua si një procedurë e zakonshme, tashmë është kthyer në një betejë ligjore që zvarritet prej javësh.

Për momentin, mbetet për t’u parë nëse KAS do të japë një vendim që do të vendosë qartësi, apo nëse çështja do të zvarritet më tej në instanca më të larta. Deri atëherë, "Shqipëria Bëhet" vazhdon të përballet me pasigurinë e përfaqësimit dhe tensionet e brendshme që kjo situatë ka krijuar.

“KORÇA BOOM”