Shqipëria U-19 mbyll me zhgënjim kualifikueset e Europianit, humbja ndaj Malit të Zi e zbret në vendin e fundit

Kombëtarja shqiptare U-19 ka mbyllur me rezultat negativ aventurën në kualifikueset e Kampionatit Europian, duke mos arritur të përmbushë objektivin e vendosur nga FSHF-ja, që synonte marrjen e vendit të parë në grup, sidomos duke qenë se miniturneu u zhvillua në Shqipëri.

Pas disfatës 0–3 ndaj Ukrainës dhe barazimit 0–0 me Sllovakinë, kuqezinjtë kishin nevojë për fitore në ndeshjen e fundit kundër Malit të Zi, zhvilluar në “Niko Dovana”, për të siguruar të paktën vendin e dytë. Megjithatë, goli i Jovanoviç në pjesën e dytë jo vetëm i shoi shpresat për kualifikim, por e rrëzoi Shqipërinë në vendin e fundit të grupit.

Rezultati vjen vetëm një ditë pas eliminimit të Shqipërisë U-17, duke shënuar kështu një tjetër zhgënjim për futbollin e moshave, pavarësisht se të dyja skuadrat përfshijnë lojtarë që aktivizohen në kampionate të huaja.

"KORCA BOOM"