Skandal në institucion arsimor për fëmijë me nevoja të veçanta

Një incident tronditës ka shkaktuar reagime të forta në Turqi, pas publikimit të një videoje ku shihen nxënës me autizëm të lidhur me litarë në bankat e tyre gjatë orës së mësimit, në një shkollë speciale në qytetin Prusi. Pamjet, të bëra publike së fundmi, kanë ngritur shqetësime të thella për mënyrën se si trajtohen fëmijët me nevoja të veçanta në institucionet arsimore të vendit.

Në video paraqitet një ambient shkollor ku nxënësit me nevoja edukative speciale janë lidhur me litarë për t’i mbajtur të qëndrueshëm gjatë mësimit, duke shkaktuar reagime të ashpra nga prindërit dhe shoqëria civile. Ky trajtim ka nxitur shqetësime serioze në lidhje me dinjitetin dhe të drejtat e fëmijëve, të cilët duhet të marrin kujdes dhe trajtim të duhur në institucionet arsimore.

Sipas raportimeve të medias turke Milliyet, autoritetet reaguan menjëherë pas publikimit të videos dhe nisën një hetim të plotë zyrtar. Drejtoria Rajonale e Arsimit Kombëtar të Turqisë njoftoi se po merren masa për të sqaruar rrethanat e incidentit dhe për të siguruar që fëmijët me nevoja speciale të trajtohen me dinjitet dhe kujdesin e nevojshëm.

"KORCA BOOM"