SKËNDERBEU/ Dy talente nga Mitrovica po shkëlqejnë në UEFA Youth League me fanelën bardhekuqe!

Dy talente nga Mitrovica falë punës së trajnerit Murat Shabani tani po shkëlqejnë në UEFA Youth League

Dy futbollistë të rinj nga Mitrovica, Ensar Beqiri dhe Elvidon Islami, po tregojnë potencialin e tyre të madh në arenën evropiane me fanellën e KF Skënderbeut U19 nga Shqipëria.

Në debutimin e madh në UEFA Youth League kundër Inter Escaldes U19, ata bënë diferencën në fushë.pasi Ensar Beqiri shënoi 2 gola dhe regjistroi 1 asist ndërsa Elvidon Islami kontribuoi me 2 asistime, shkruan Jepi zë.

Përpara këtij suksesi ndërkombëtar, të dy lojtarët ishin pjesë e KF Trepça ’89 U19, ku nën drejtimin e trajnerit mitrovicas Murat Shabani u shpallën nënkampionë të Superligës së Kosovës U19.

Pikërisht trajneri Shabani ishte ai që i formoi dhe i përgatiti në aspektin teknik, taktik dhe fizik, si dhe u mundësoi hapin e madh drejt klubit shqiptar KF Skënderbeu, duke ua hapur dyert e garave evropiane./ Jepi zë

“KORÇA BOOM”