SKËNDERBEU/ Pas fitores ndaj Besës ja kur luhet “derbi” i juglindjes Skënderbeu-Pogradeci

Skënderbeu mposhti 3-1 Besën dje në stadiumin “Skënderbeu” në miqësoren e kthesës për bardhekuqtë. Një ndeshje me dy “fytyra” ishte ajo e djeshmja ndaj kavajasve, teksa në pjesën e parë Skënderbeu mposhtej 0-1, ndërkohë që në pjesën e dytë pamë një Skënderbe tjetër, që shënoi 3 gola, por bindi edhe me lojë.

Një miqësore që dha sinjale të mira për djemtë e drejtuar nga trajneri Ernest Gjoka, ndërkohë që pas këtij testi vjen shpejt edhe test i radhës. Themi këtë pasi të mërkurën e 6 gushtit Skënderbeu ka planifikuar edhe ndeshjen e tretë miqësore verore.

Këtë herë skuadra do të luajë në transfertën e Pogradecit, në një përballje që do të luhet në shtëpinë e liqenorëve dhe që ndryshe quhet “derbi” i juglindjes. Gjithmonë përballje të tilla edhe pse janë teste miqësore sjellin emocione në fushë dhe padiskutim që është nga ato ndeshje që do ju vlejë shumë të dy skuadrave në këtë moment kulmi të përgatitjeve verore.

Ndeshjet miqësore të zyrtarizuar deri tani:

Skënderbeu-Struga          0-4

Shënues: Basiru Kompaore 18′, 20′, 38′, Dumfur 30′ (autogol)

Skënderbeu-Besa             3-1

Shënues: Ukiçi 53’, Tayo 67’, Gjini 90’/ Çinedu 18’

6 gusht          Pogradeci-Skënderbeu

9 gusht          Skënderbeu-Vora

12 gusht       Skënderbeu-Luftëtari

“KORÇA BOOM”