top of page

Skënderbeu/ Zbulohet miqësorja e parë – Ja ekipi kundërshtar dhe kur luhet ...

  • Writer: Korca Boom
    Korca Boom
  • Jul 3
  • 1 min read

Skuadra korçare ka nisur zyrtarisht fazën përgatitore për sezonin e ri, me një proces stërvitor të mirëstrukturuar që përfshin të gjitha elementet: nga ngarkesat fizike, te përgatitja tekniko-taktike dhe testet seleksionuese.


Stafi teknik ka hartuar një program të detajuar, ku përveç sesioneve të rregullta stërvitore, një vëmendje e veçantë po i kushtohet edhe ndeshjeve miqësore, të cilat pritet të shërbejnë si pasqyra reale për gjendjen e grupit.


Burime të besueshme pranë klubit bëjnë të ditur se më datë 9 korrik do të zhvillohet miqësorja e parë verore, që ka shumë gjasa të luhet kundër ekipit të Strugës.


Edhe pse ende nuk është zyrtarizuar, bisedimet mes dy klubeve janë në fazën finale dhe pritet që ndeshja të konfirmohet në ditët e ardhshme. Struga, ekip që vjen nga kampionati i Maqedonisë së Veriut, do të përfaqësonte një rival serioz për të testuar parametrat aktualë të skuadrës korçare.


Kjo përballje do të jetë shumë e rëndësishme për të parë në praktikë si po përthithen idetë taktike të stafit teknik dhe për të vlerësuar harmoninë mes lojtarëve, veçanërisht atyre që janë të rinj në grup ose që po vijnë nga prova dhe seleksionim.


Për trajnerin dhe drejtuesit, ky test do të jetë një tjetër gur prove për të kuptuar më mirë nevojat dhe hapësirat që duhen plotësuar nga merkatoja.

Ndërkohë, në javët në vijim parashikohen edhe miqësore të tjera, për të krijuar një kalendar sa më funksional në prag të sezonit të ri futbollistik.


Qëllimi është i qartë: të ndërtohet një skuadër solide, konkurruese dhe me identitet të qartë loje, që të jetë gati për sfidat e kampionatit dhe objektivat ambiciozë që klubi synon.

“KORÇA BOOM”

ree

bottom of page