Skënderbeu – Besa, ndryshim orari për të mos penguar ekipin kavajas, ja arsyeja ?

Skuadra e Skënderbeut do të luajë këtë fundjavë në transfertë ndaj Luftëtarit në Gjirokastër, por vëmendjen e ka tërhequr sfida e radhës në shtëpi ndaj Besës së Kavajës.

Fillimisht, kjo ndeshje ishte parashikuar në kalendar për datën 25 tetor, por tashmë është zyrtarizuar se ajo do të zhvillohet një ditë më herët, më 24 tetor, në stadiumin e Korçës.

Burime pranë klubit bëjnë me dije se arsyeja e këtij ndryshimi lidhet me organizimin e aktivitetit festiv të Besës për 100-vjetorin e themelimit të saj, që do të mbahet më 25 tetor në qytetin e Kavajës.

Për këtë arsye, klubi kavajas ka kërkuar që të lëvizin datën e ndeshjes, në mënyrë që ekipi të jetë i pranishëm në këtë veprimtari të rëndësishme.

Skënderbeu ndërkohë përgatitet për përballjen ndaj Luftëtarit, me synimin për të marrë pikët e plota dhe për të ruajtur ritmin në kampionat.

“KORÇA BOOM”