SKËNDERBEU/ Ja kur luhet miqësorja e parë zyrtare ndaj Strugës së Bledi Shkëmbit!

Dy ndeshje testi ka zhvilluar Skënderbeu deri tani nëse mund të cilësohen kështu ndaj Skënderbeut U-19. E fundit ka qenë ditën e djeshme, por që sigurisht ndeshjet e vërteta zyrtare miqësore akoma nuk kanë filluar.

Ditën e shtunë më 26 korrik Skënderbeu ka përcaktuar testin e parë miqësor dhe ai do të jetë ndaj ekipit që drejtohet nga Bledi Shkëmbi, Strugës.

Skënderbeu-Struga do të luhet në stadiumin juglindor pasditen e 26 korrikut, ndërkohëq ë pas këtij takimi do të vijnë edhe ndeshjet e tjera miqësore. Të paktën më 1 gusht është planifikuar një tjetër test, ai ndaj Besës dhe më 6 gusht do të jetë ndeshja ndaj Pogradecit, derbi që do të zhvillohet në qytetin liqenor.

Pritet që përveç këtyre tre ndeshjeve të zyrtarizuara të kemi edhe takime të tjera testi, por akoma nuk janë përcaktuar.

Me pak fjalë Skënderbeu-Struga të shtunën e 26 korrikut do të hapë serinë e testeve për skuadrën e Ernest Gjokës.

Tre ndeshjet miqësore të planifikuara deri tani:

26 korrik       Skënderbeu-Struga

1 gusht          Skënderbeu-Besa

6 gusht          Pogradeci-Skënderbeu

“KORÇA BOOM”