top of page

SKËNDERBEU/ Java e 7-të transfertë në Gjirokastër, Pogradeci luan jashtë me Besën. Ja çiftet!

  • Writer: Korca Boom
    Korca Boom
  • Oct 6
  • 1 min read

Pas përfundimit të javës së 6-të të kategorisë së parë të gjitha ekipet e kategorisë së parë duhet të pushojnë kjo për shkak të grumbullimit të kombëtares shqiptare.


Në këtë mënyrë kategoria e parë do të rikthehet pas dy javësh. Të paktën si datë e paracaktuar qysh në fillim të sezonit është data 19 tetor si dita e javës së 7-të të kësaj kategorie, por pritet që FSHF të zyrtarizojë edhe datat dhe oraret gjatë këtyre ditëve.


Gjithsesi ndeshjet e javës së 7-të pritet të jenë interesante, teksa Skënderbeu do të laujë në transfertë, ku e pret Luftëtari në Gjirokastër. Një përballje shumë interesante, ku Skënderbeu do të shkojë edhe në këtë transfertë për pikë.


Nga ana tjetër Pogradeci do të luajë në transfertën e Besës së Kavajës dhe pogradecarët që kanë bërë një start zhgënjyes edhe ata do të kërkojnë të marrin maksimumin nga kjo ndeshje, pasi objektivat janë madhore.


Ndeshjet e tjera janë ato, Kukësi pret Laçin, skuadrën e vendit të dytë në renditje.


Korabi-Lushnja dhe Apolonia-Burreli janë ndeshje vërtet që priten me interes, ndërkohë që përballja e fundit e javës së 7-të është ajo mes Kastriotit dhe Iilirisë. Në tabelën e mëposhtme sjellim çiftet e javës së 7-të në pritje të zyrtarizimit të orareve dhe dative që do të zbardhen nga FSHF-ja.

“KORÇA BOOM”

ree
ree

bottom of page