Skënderbeu marshon drejt Superiores, “pushton” Gjirokastrën me tre gola

KF Skënderbeu Korçë vazhdon të konfirmohet si pretendent kryesor për ngjitjen në Kategoria Superiore. Korçarët triumfuan 0-3 në transfertë ndaj KF Luftëtari Gjirokastër, në sfidën e vlefshme për javën e 24-t.

Takimi u zhbllokua në minutën e 37-të nga Nasr, i cili kaloi në avantazh miqtë. Në pjesën e dytë, Skënderbeu vulosi fitoren me golat e Beshirajt në minutën e 74-t dhe Gjumsit në minutën 90+5’, duke kompletuar një paraqitje bindëse, sidomos në repartin ofensiv.

Me këtë fitore, Skënderbeu kryeson renditjen me 3 pikë më shumë se KF Laçi, që ndjek nga pas. Nga ana tjetër, Luftëtari mban vendin e parafundit dhe është vetëm 1 pikë larg KS Lushnja, që mbyll zonën “play out”, duke e bërë garën për mbijetesë mjaft të fortë.

Rezultati përfundimtar:

Luftëtari 0-3 Skënderbeu

(37′ Nasr, 74′ Beshiraj, 90+5′ Gjumsi)

Formacionet zyrtare:

Luftëtari: Tahri; Zaimi, Soares, Cereni, Mnatsakanian, Ramadani, Nyanguila, Budo, Ikeoça, Diallo, Zani

Trajner: Bledar Devolli

Skënderbeu: Dobjani, Ramos, Nasr, Beshiraj, Dumfur, Gjumsi, Estrela, Vangjeli, Janaqi, Abubakar, Shaqe

Trajner: Ernest Gjoka

JAVA 24

28 shkurt 2026 (DJE)

Apolonia-Pogradeci 1-2

Korabi-Kastrioti 1-0

Lushnja-Laçi 1-5

1 mars 2026 (SOT)

Luftëtari-Skënderbeu 0-3

Besa-Burreli 1-0

Iliria-Kukësi 1-1

"KORCA BOOM"