Tragjedi në Rrugën e Arbrit, ndahet nga jeta anëtari i ekipit shqiptar të kërkim-shpëtimit

Një ngjarje tragjike ka ndodhur në Klos, ku ka humbur jetën Erkin Lika, një nga anëtarët më të njohur të grupeve shqiptare të kërkim-shpëtimit.

Ngjarja ka ndodhur pranë Urës së Vashës, në Rrugën e Arbrit. Sipas informacioneve paraprake, ai dyshohet se është rrëzuar në humnerë gjatë ngjitjes në shkëmbinj, duke humbur jetën.

Menjëherë pas sinjalizimit, në vendngjarje kanë mbërritur shërbimet e Policisë së Matit dhe ekipet e kërkim-shpëtimit, së bashku me polumbarët, të cilët zhvilluan operacionin për gjetjen e tij.

Erkin Lika ishte një emër i njohur në komunitetin e kërkim-shpëtimit në Shqipëri. Ai kishte marrë pjesë në dhjetëra operacione për shpëtimin e personave të përfshirë në aksidente dhe situata emergjente, duke fituar respekt për profesionalizmin dhe përkushtimin e tij.

Alpinizmi ishte pasioni i tij më i madh, një pasion që fatkeqësisht i mori edhe jetën.

Rrethanat e plota të ngjarjes mbeten ende nën hetim, ndërsa pritet që autoritetet të japin më shumë detaje pas përfundimit të veprimeve procedurale.

“KORÇA BOOM”