SKËNDERBEU nuk ia del në Lushnjë, kthehet me 1 pikë në shtëpi

Edhe pse Skënderbeu “zbarkoi” në stadiumin “Roza Haxhiu” nën petkun e favoritit, të besuarit e Ernest Gjokës nuk ia dolën të merrnin 3 pikët në transfertën delikate kundër Lushnjës, e mbyllur 1-1.

Goli i shpejtë prej Ukicit nga kampi i korçarëve hodhi idenë se miqtë do ta kishin të thjeshtë triumfin. Por pjesa e dyti pati “ngjyra” më të ndezura, aty ku dominuan ndërhyrjet e ashpra dhe kartonët e verdhë.

Në minutën e 69, Korreshi vendosi barazpeshën dhe mbylli verdiktin e kësaj përballjeje mjaft të tensionuar.

Pas 2 javësh në Kategorinë e Parë, vetëm Laçi i ka pikët e plota, (6 pikë).

“KORÇA BOOM”