Skënderbeu përballet me mungesa kyçe, ja reparti që ka mungesat

Skuadra korçare do të luajë këtë fundjavë një ndeshje të rëndësishme ndaj Apolonisë në Korçë. Megjithatë, reparti i mbrojtjes do të vuajë nga dy mungesa të radhës, të shkaktuara nga kartonët e grumbulluar.

Futbollistët Klevis Shaqe dhe Marko Ramos janë të skualifikuar për këtë ndeshje (për shkak se kanë plotësuar numrin 4 të kartonëve të verdhë), duke lënë mbrojtjen me probleme. Në këto kushte, trajneri Ernest Gjoka do të duhet të adaptojë një lojtar tjetër në këtë pozicion, ndërsa Gift mbetet i vetmi mbrojtës i disponueshëm për momentin.

Nga ana tjetër, mungesa e Shaqes mund të kompensohet pjesërisht nga alternativat në dispozicion, si Ergi Zenullari, që pritet të marrë rol aktiv në repartin e mbrojtjes.

Skuadra korçare do të duhet të përballojë këto sfida taktike për të ruajtur performancën në fushë dhe për të synuar rezultatin pozitiv ndaj Apolonisë.

"KORCA BOOM"