SOT radha e Skënderbeut që pret Ilirinë për Kupë/ Në Pogradec vendasit presin Korabin!

Nov 19, 2025
1 min read

Pas dy ndeshjeve të para të luajtura ditën e djeshme për Kupër e Shqipërisë të vlefshme për turin e dytë, sot është radha e 6 çifteve të radhës për të përmbyllur ndeshjet e këtij turi, takime që luhen me vetëm një ndeshje.

Ditën e djeshme Laçi kaloi sigurimin më tej, pasi mposhti Luftëtarin 2-0 dhe Flamurtari shpartalloi Tomorin 9-0.

Sot është radha e Skënderbeut, teksa në orën 13:00 në stadiumin “Skënderbeu” do të presë Ilirinë, një takim që për bardhekuqtë vlen vetëm fitore për të kaluar më tej. Skënderbeun në turin e ardhshëm e pret Tirana, por duhet pritur të kalojë së pari ndehsjen e sotme.

Po sot në Pogradec vendasit do të presin Korabin, një ndeshje që pritet të flasë për liqenorët që duan edhe ata nga ana e tyre kualifikimin. Nëse Pogradeci e kalon sot Korabin, do të përballet në turin tjetër me Vllazninë.

Më poshtë sjellim duelet e sotme dhe duelet pasardhëse që tashmë janë zyrtarizuar nga FSHF-ja. Takimet e sotme nisin të gjitha në orën 13:00.

Turi i Dytë

DJE (18 nëntor 2025)

Laçi – Luftëtari 2-0

Flamurtari-Tomori 9-0

SOT (19 nëntor 2025)

Ora 13:00 Skënderbeu – Iliria

Ora 13:00 Vora – Sopoti

Ora 13:00 Besa – Kukësi

Ora 13:00 Burreli-Kastrioti

Ora 13:00 Pogradeci – Korabi

Ora 13:00 Apolonia – Lushnja