Sulm izraelit në Katar: Kreu i byrosë politike të Hamasit dhe disa zyrtarë të tjerë dyshohet se humbën jetën, por Hamas konfirmon se kanë mbijetuar

Kreu i byrosë politike dhe kryenegociatori i Hamasit në Gaza, Khalil al-Hayya, dyshohet se ka humbur jetën në një sulm ajror izraelit në kryeqytetin e Katarit, Doha. Sipas burimeve të televizionit Al-Hadath të Arabisë Saudite, në të njëjtin sulm raportohet se janë vrarë edhe udhëheqës të tjerë të lartë të Hamasit, përfshirë Zaher Jabarin, Khaled Mashaal dhe Nizar Awdallah.

Raportimet fillestare nga mediat Al-Arabiya dhe Al-Hadath citojnë burime të tyre për të konfirmuar vrasjet, por burimet brenda grupit Hamas i kanë mohuar këto lajme përmes një deklarate dhënë Al Jazeera. Një burim i lartë nga grupi militant palestinez ka deklaruar se “takimi i udhëheqjes së Hamasit në Doha ka mbijetuar sulmit të Izraelit”, duke hedhur dyshime mbi informacionin e qarkulluar fillimisht nga mediat arabe.

Situata mbetet e tensionuar, ndërsa lajmet e konfirmuara ose të mohuara vazhdojnë të jenë kontradiktore dhe pasqyrojnë një situatë të ndërlikuar në arenën ndërkombëtare rreth Hamasit dhe veprimeve izraelite në rajon.

“KORÇA BOOM”