Sulmet ndaj Iranit, Izraeli godet flotën e avionëve F-14

Ushtria izraelite tha të dielën se kishte goditur një seri avionësh luftarakë që Irani para revolucionit i kishte blerë nga Shtetet e Bashkuara.

Flota e avionëve F-14 të parkuar në Aeroportin e Isfahanit, në jug të Teheranit, ishte një shtyllë e forcës ajrore iraniane dhe historikisht është përdorur për të mbrojtur hapësirën e saj ajrore.

Ushtria izraelite nuk tha nëse avionët luftarakë u shkatërruan. Gjithashtu, ushtria tha se kishte goditur sistemet e zbulimit dhe të mbrojtjes ajrore.

Shtetet e Bashkuara dhe Izraeli goditën gjithashtu 5 objekte nafte në sulmet e natës në dhe pranë kryeqytetit iranian, tha një zyrtar për televizionin shtetëror.

"Mbrëmë, katër depo nafte dhe një qendër transporti produktesh nafte në Teheran dhe në lumin Alborz u sulmuan nga avionë armik", tha për televizionin shtetëror drejtori ekzekutiv i Kompanisë Kombëtare Iraniane të Shpërndarjes së Produkteve të Naftës, Keramat Veyskarami.

Ai shtoi se pesë objektet “u dëmtuan”, por “zjarri u vu nën kontroll”.

Të shtunën, një sulm izraelit goditi një objekt magazinimi nafte në Teheran./ Pamfleti

“KORÇA BOOM”