Teknologji për tokën – stacione meteorologjike moderne në shërbim të bujqësisë në Korçë

Tre stacione meteorologjike moderne janë instaluar së fundmi në zonën e Korçës për të ndihmuar fermerët në kultivimin e mollëve dhe qershive. Të pajisura me sensorë të avancuar dhe kurthe digjitale, këto stacione përfaqësojnë një hap të rëndësishëm drejt zhvillimit të bujqësisë së zgjuar në rajon.

Qëllimi i këtij projekti është të rrisë cilësinë e prodhimit bujqësor dhe të ndihmojë fermerët të përshtaten me sfidat që sjellin ndryshimet klimatike, duke ofruar të dhëna në kohë reale për kushtet e motit dhe faktorët që ndikojnë në shëndetin e kulturave.

Përfitimet kryesore për fermerët janë:

• përshtatje më e mirë ndaj kushteve klimatike të ndryshueshme

• parandalim i hershëm i sëmundjeve që prekin kulturat bujqësore

• përmirësim i kushteve të punës në terren

• ulje e përdorimit të pesticideve dhe e kostove të përgjithshme të prodhimit

  
  

Ky investim i rëndësishëm është bërë i mundur nga GIZ Albania dhe WB Adapt, në bashkëpunim me QTTB Korçë, AREB Korçë dhe ADAD Malore.

Teknologjia në shërbim të bujqësisë po kthehet në një mjet kyç për të fuqizuar komunitetet rurale dhe për t’u përballur më me sukses me sfidat e së ardhmes.

“KORÇA BOOM”