Tentuan të kopjonin me celular në provim, përjashtohen dy maturantë

Dy maturantë nga gjimnazet e Peqinit janë përjashtuar nga provimi i Gjuhës së Huaj, pasi janë kapur duke tentuar të futen në qendrën e testimit me celular dhe ta përdornin gjatë zhvillimit të provimit.

Sipas Ministrisë së Arsimit dhe Sportit, rregullat e Maturës Shtetërore janë të panegociueshme dhe çdo shkelje e tyre ndëshkohet menjëherë, për të garantuar një proces të drejtë dhe me integritet. Si pasojë e shkeljes, dy maturantët janë skualifikuar në mënyrë të menjëhershme nga provimi, duke humbur mundësinë për të vijuar normalisht testimin.

Autoritetet bëjnë me dije se në të gjitha qendrat e provimit janë angazhuar mbi 2000 mësues administratorë dhe 170 monitorues të Ministrisë së Arsimit, me qëllim parandalimin e çdo tentative për kopjim apo shkelje të rregullave.

“KORÇA BOOM”