Tirana e mposht Teutën në frymën e fundit, Daci hero në minutën e 87-të

Tirana ka marrë një fitore të rëndësishme ndaj Teutës, duke triumfuar me rezultatin 1-0 në një përballje që u vendos vetëm pak minuta përpara fundit.

Sfida u karakterizua nga emocione dhe raste të shumta, ndërsa momentet vendimtare erdhën në pjesën e dytë.

Në fraksionin e parë, Teuta pati mundësinë më të mirë për të kaluar në avantazh në minutën e 37-të. Umejiego u gjend i vetëm përballë Bekajt, por portieri bardheblu reagoi në mënyrë fantastike, duke i mohuar golin skuadrës durrsake.

Me nisjen e pjesës së dytë, Tirana pati mundësinë ideale për të zhbllokuar rezultatin, por bardheblutë shpërdoruan një penallti, duke humbur rastin për të kaluar në avantazh.

Megjithatë, kryeqytetasit vijuan të kërkonin golin dhe këmbëngulja e tyre u shpërblye në minutën e 87-të. Xhixha realizoi një inkursion të shkëlqyer, duke krijuar situatën ideale brenda zonës, ku Daci u tregua i saktë dhe dërgoi topin në rrjetë.

Goli i vonë i dha Tiranës tri pikë të rëndësishme, ndërsa Teuta regjistroi një tjetër paraqitje zhgënjyese, duke mos arritur të shfrytëzonte rastet e krijuara.

“KORÇA BOOM”