Transferime në Policinë e Korçës, ndryshon drejtimi i Komisariatit Devoll

Janë zyrtarizuar ditën e sotme lëvizjet e para në strukturat drejtuese të Policisë së qarkut Korçë.

Burime nga Drejtoria Vendore e Policisë Korçë bëjnë me dije se shefi i Komisariatit të Policisë Devoll është transferuar për të vijuar detyrën në krye të Komisariatit të Policisë Peqin.

Në vend të tij, si shef i ri i Komisariatit të Policisë Devoll, është emëruar nënkomisar Bilbil Lita, i cili deri më sot mbante postin e shefit të Komisariatit të Policisë Peqin.

Ky shkëmbim detyrash mes dy drejtuesve është formalizuar mëngjesin e sotëm në ambientet e DVP Korçë, në praninë e drejtuesve vendorë të policisë.

Ende nuk dihet nëse ky është vetëm hapi i parë i një riorganizimi më të gjerë që pritet të përfshijë edhe struktura të tjera policore në juglindje të vendit.

“KORÇA BOOM”