Të rinjtë humbin jetën në aksident me Mercedes dhe furgon, pas përplasjes

Një aksident i rëndë automobilistik ka ndodhur këtë të diel në Itali, duke shkaktuar vdekjen e dy të rinjve shqiptarë. Ngjarja u regjistrua në unazën jugore të Bergamos, ku një automjet tip “Mercedes Benz” u përplas me një furgon, duke shkaktuar tragjedi për tre persona.

Viktimat shqiptare janë K. S, 23 vjeç, drejtues i Mercedes-it, dhe D , 21 vjeç, pasagjer në të njëjtin mjet. Të dy ishin miq dhe po udhëtonin së bashku kur ndodhi përplasja fatale. Viktima e tretë është Oscar Angioletti, 62 vjeç nga Zanica, Bergamo, i cili ndodhej në furgon me vëllain e tij 64-vjeçar, që mbeti i plagosur rëndë dhe po merr trajtim mjekësor.

Autoritetet italiane po hetojnë shkaqet e aksidentit, duke përfshirë shpejtësinë e lartë dhe mundësinë e gabimeve gjatë drejtimit. Ngjarja ka tronditur komunitetin lokal dhe miqtë e viktimave, ndërsa familjarët po përballen me humbjen e papritur dhe tragjike.

"KORCA BOOM"