U përplas kokë më kokë me kundërshtarin/ Ja si është gjendja e mbrojtësit të Skënderbeut, Klevis Shaqes

Klevis Shaqe pësoi një dëmtim të fortë në ndeshjen e javës së 4-t të Kategorisë së Parë ndaj Pogradecit. Mbrojtësi i Skënderbeut u përplas kokë më kokë me një nga lojtarët e liqenorëve dhe ra në tokë në gjendje të fikëti.

“Newsport” ka mësuar tashmë nëpërmjet një komunikimi me trajnerin Ernest Gjoka gjendjen e 25-vjeçarit dhe kur pritet të rikthehet ai.

“Shaqe doli në stërvitje individuale dy ditë më parë dhe mendoj se për pak ditë do të rikthehet me grupin. Tashmë nuk ka asnjë problem vetëm shqetësim në hundë ku pësoi goditjen kryesore.

Besoj se deri javën e ardhshme Shaqe do të rikthehet në stërvitje me pjesën tjetër të grupit”, u shpreh Gjoka.

“KORÇA BOOM”