“UJQËRIT” duan fitoren/ Skënderbeu sot në fushë me mbështetjen e tifozëve!

Sot në orën 19:00 Skënderbeu pret në shtëpi Laçin, e thënë ndryshe përballja e forcës dhe e kreut, pasi të dy skuadrat kryesojnë kategorinë e parë, Skënderbeu me 10 pikë dhe më pas kurbinasit me 9 pikë.

Sot në këtë përballje nëse bardhekuqtë fitojnë fillojnë shëputjen dhe sigurisht që kjo është një arsye madhore për të kërkuar vetëm 3-pikëshin djemtë e trajnerit Ernest Gjoka.

Ndërkohë që në dy ndeshjet e para në shtëpi, ndaj Burrelit dhe Ilirisë ka pasur numër të konsiderueshëm tifozësh, sot pritet që numri të jetë edhe më i madh, pasi vetë rëndësia e kësaj ndeshjeje do të bëjë që “Ujqërit” të mos mungojnë në stadium me mbështetjen e tyre.

Në fitoren e fundit në Pogradec kanë qenë tifozët që kanë mbështetur skuadrën dhe solli fitoren, ndërkohë që edhe sot krerët e tifozëve kanë deklaruar që do të jenë më të shumtë në numër, pasi luajnë në shtëpi dhe kërkesa e vetme është që Skënderbeu të fitojë.

Me pak fjalë sot bën punë vetëm fitorja dhe tashmë e kanë në dorë lojtarët për të treguar se dinë të shpërblejnë më së miri tifozët sa herë ata kanë mbështetjen maksimale nga ta.

NJOFTIMI I KLUBIT “SKWNDERBEU”

Skënderbeu - Laçi

Stadiumi "Skënderbeu"

Ora: 19:00

Një ndeshje e rëndësishme për vazhdimësinë në krye të renditjes, ku kërkohet ndihma edhe e tifozëve 

“KORÇA BOOM”