Urime për ditëlindjen Kristaq Pula! Historia e mjeshtrit të gjimnastikës dhe muzikës

Gëzuar ditëlindjen, Kristaq Pula!

Kristaq Pula njihet si një nga gjimnastët më të mirë që ka pasur Korça. Së bashku me vëllain e tij, Llazi Pula, ai ka qenë pjesë e një brezi që i dha emër gjimnastikës korçare, duke arritur rezultate të shkëlqyera në sport. Për kontributin dhe sukseset e tij, ai mban me meritë titullin “Mjeshtër Sporti”, të fituar në vitin 1973.

Përveç karrierës si sportist, Kristaq Pula ka dhënë një kontribut të çmuar edhe si mësues i edukimit fizik, duke edukuar breza të tërë me dashurinë për sportin, disiplinën dhe një jetë aktive.

Po aq i rëndësishëm është edhe angazhimi i tij në fushën artistike. Prej vitesh ai është pjesë e jetës kulturore të qytetit, duke kënduar në kore kishtare dhe si solist i korit “Lira”, me të cilin ka marrë pjesë në koncerte, aktivitete dhe festivale të shumta brenda dhe jashtë vendit.

Me këtë rast të veçantë, i urojmë Kristaq Pulës shëndet, lumturi dhe shumë suksese në jetën e tij artistike dhe personale.

“KORÇA BOOM”