Nga gara për titull te lufta për mbijetesë, ja si ndryshoi situata në Superiore pas sfidave të sotme
Fitorja e Teutës ndaj Laçit ka sjellë ndryshime të rëndësishme në renditjen e Superiores, duke rihapur edhe një herë garën në pjesën e sipërme të tabelës. Skuadra e drejtuar nga Edlir Tetova përfiton nga frenimi i Egnatias dhe shkurton në vetëm 4 pikë diferencën me kryesuesit.
Teuta po tregon se nuk ka ndërmend të heqë dorë nga gara dhe mbetet një nga ekipet që mund t'i bëjë presion Egnatias në javët e mbetura të kampionatit.
Ndërkohë, një tjetër skuadër që po jep sinjale pozitive është Vllaznia. Shkodranët dalin përkohësisht nga zona e ftohtë e klasifikimit, duke vijuar ringjalljen e tyre në kampionat. Me 7 pikë të grumbulluara në 3 ndeshjet e fundit, Vllaznia ka fituar besim dhe po përpiqet të lërë pas momentin e vështirë.
Në krahun tjetër, situata bëhet gjithnjë e më shqetësuese për Laçin dhe Partizanin. Dy skuadrat, pas humbjeve të sotme, mbeten në pjesën e fundit të renditjes dhe tashmë e shohin nga afër rrezikun e rënies në Kategorinë e Parë.
Kampionati po hyn në një fazë ku çdo pikë mund të jetë vendimtare. Gara për titullin mbetet e hapur, ndërsa lufta për mbijetesë po bëhet gjithnjë e më e ashpër, me skuadra që nuk kanë më luksin të gabojnë.
“KORÇA BOOM”
















