Vajza e Silvinjos “braktis” Manajn, habit me zgjedhjen pas fitores ndaj Serbisë

Shqipëria e drejtuar nga trajneri Silvinjo arriti një fitore historike mbrëmjen e djeshme ndaj Serbisë. Kuqezinjtë triumfuan falë golit të vetëm të ndeshjes, të realizuar nga Rei Manaj, i cili i dha ekipit tre pikë të çmuara në rrugëtimin e tyre ndërkombëtar.

Përveç atmosferës në stadium dhe emocioneve në fushë, vëmendje ka marrë edhe reagimi i Tati Mendes, vajza e trajnerit Silvinjo. Ajo njihet për përkushtimin dhe mbështetjen e vazhdueshme që i jep ekipit shqiptar, sidomos gjatë ndeshjeve të rëndësishme.

Ndërsa shumica e tifozëve dhe analizave kanë vënë në plan të parë Manajn si heroi i ndeshjes, Tati ka zgjedhur të veçojë një tjetër emër: portierin Thomas Strakosha. Në një mesazh të publikuar në rrjet, ajo shkruan: "Ky portier meriton një çmim", duke vlerësuar paraqitjen e tij të shkëlqyer dhe kontributin për të mbajtur portën e paprekur.

Strakosha ishte një nga më të mirët në fushë, me disa pritje vendimtare dhe dalje të sigurta që garantuan qetësinë në prapavijë. Vlerësimi i vajzës së trajnerit për gardianin kuqezi tregon edhe njëherë se suksesi i Shqipërisë nuk varet vetëm nga golashënuesit, por edhe nga performanca e lartë e gjithë skuadrës.

“KORÇA BOOM”