Vdekja e gruas së Alban Hoxhës pas lindjes së djalit, gjykata jep vendimin për mjekun dhe reanimatoren

Gjykata ka shpallur vendimin për mjekët Petrit Rexhepi dhe Elona Burba, të cilët akuzoheshin për çështjen që lidhet me vdekjen e Doriana Hakës, bashkëshortja e ish-portierit të Partizanit Alban Hoxha, në nëntor të vitit 2014, vetëm dy javë pasi ajo kishte sjellë në jetë fëmijën e saj të parë.

-Elona Burba, mjeke reanimatore, u gjet fajtore dhe u dënua me 1 vit burg, i cili u konvertua në 2 vite shërbim prove, si dhe me pezullim të licencës për 2 vite.

-Petrit Rexhepi, kirurg, u dënua me 6 muaj burg, të cilët u kthyen në 12 muaj shërbim prove.Doriana Haka, bashkëshortja e ish-portierit të Partizanit Alban Hoxha, ndërroi jetë në nëntor 2014, vetëm dy javë pasi kishte lindur fëmijën e saj të parë. Vdekja e saj u raportua si e papritur dhe shkaktoi reagim të gjerë publik.

Pas ngjarjes, familjarët ngritën dyshime se mund të kishte pasur mangësi në trajtimin mjekësor gjatë periudhës pas lindjes së saj. Rasti u referua për hetim dhe më pas u ndoq nga organet e drejtësisë.

Çështja zgjati për disa vite nëpër instanca hetimore dhe gjyqësore, duke përfshirë ekspertiza mjeko-ligjore dhe dëshmi të personelit mjekësor që ishte përfshirë në trajtim.

Pas procesit gjyqësor, dy mjekë të përfshirë — reanimatorja Elona Burba dhe kirurgu Petrit Rexhepi — dolën përpara gjykatës nën akuzën e shkaktimit të vdekjes nga pakujdesia profesionale. Vendimet u dhanë në vitet pasuese (lazy long case), duke përfshirë dënime me burgim të konvertuara në shërbim prove dhe pezullime licence, sipas vendimit të fundit.

Ndërkohë prindërit e 25-vjeçares së ndjerë pak javë më parë u shprehën se kanë 11 vite që presin drejtësi, duke theksuar “një fëmijë po rritet pa nënë”.

“Kemi 11 vite rresht që presim drejtësi pati një ballafaqim mes ekspertëve pyetje përgjigje, zgjati pak gjatë dhe u revoltova dhe fola në seancë të gjyqit, shpresoj që gjyqtarët ta marrin parasysh, më djeg shpirti, më dhemb zemra. Shpresoj tek një drejtësi e vonuar por jo e harruar. Dori im do drejtësi, një fëmijë që rritet pa nënë do drejtësi, ju lutem gjyqtar më shikoni, kam të drejtë prandaj kam kërkuar të merrem me gjykatat jo gjë tjetër, thjesht dua drejtësi, drejtësi pa fund”, tha Hamide Haka./ Oranews

“KORÇA BOOM”