Vendimet e Disiplinës: Pogradeci mes klubeve të gjobitura

Komisioni i Etikës dhe Disiplinës pranë Federatës Shqiptare të Futbollit ka publikuar vendimet për ngjarjet e ndodhura në ndeshjet e fundit të futbollit shqiptar, duke përfshirë Superiore, Kategorinë e Parë dhe kampionatet e moshave. Gjobat dhe paralajmërimet kanë ardhur kryesisht për sjellje të gabuar të tifozëve dhe shkelje të rregulloreve nga zyrtarët e klubeve.

Elbasani dhe Vllaznia janë ndëshkuar me gjobë në masën 50 mijë lekë për shkak të hedhjes së sendeve në fushën e lojës dhe ndezjes së flakadanëve nga tifozët.

Teuta dhe Tirana janë gjobitur me nga 100 mijë lekë. Në rastin e Tiranës, klubi është urdhëruar gjithashtu të dëmshpërblejë dëmet e shkaktuara në stadiumin Arena Egnatia brenda afatit 15-ditor.

Klubi i Pogradecit është dënuar me një gjobë 100 mijë lekë për hedhje sendesh në fushë që rrezikuan sigurinë e lojtarëve dhe zyrtarëve të ndeshjes. Në zbatim të rregullores, gjoba ulet në masën 50 për qind.

Shpëtim Duro, përfaqësues i klubit Besa, është paralajmëruar nga komisioni për refuzimin për të dalë në intervistë pas ndeshjes. Në rast përsëritjeje, do të përballet me masa disiplinore.

Klubi i Korabit është paralajmëruar për sjelljen e gabuar të tifozëve dhe nëse kjo përsëritet, do të merren masa të mëtejshme.

Ndërkohë, Artan Sakaj, zyrtar i ekipit Dinamo City U-19, është dënuar me dy ndeshje pezullim për protesta ndaj zyrtarëve të ndeshjes.

“KORÇA BOOM”