VOLEJ FEMRA/ Super ndeshje derbi mes Pogradecit dhe Skënderbeut në 5 sete. Në fund fitojnë liqenoret

Pogradeci-Skënderbeu 3-2

(23-25, 25-22, 25-19, 23-25, 15-8)

Sot në javën e dytë të fazës së dytë derbi i volejbollit për femra mes Pogradecit dhe Skënderbeu ka sjellë emocione pafund në parket dhe me 5 sete të luajtura në qytetin e liqenit, duke e bërë të bukur dhe dramatike deri në fund këtë përballje.

Pogradecaret fitojnë në frymën e fundit 3-2 me sete, duke merituar 2 pikë dhe Skënderbeu 1 pikë.

Në mbi 2 orë ndeshje setet kanë qenë njëri më i bukur se tjetri, ndërkohë që miket nga qyteti i Korçës fitojnë setin e parë 23-25. Më pas vjen radha e vendasve të Pogradecit që fitojnë dy sete radhazi, 25-22 dhe 25-19.

Por, Skënderbeu nuk dorëzohet dhe fiton setin e katërt 23-25, duke e diskutuar tashmë fituesen me setin final.

Në setin e fundit Pogradeci luan më mirë dhe fiton 15-8, duke fituar 3-2 dhe duke e sfumuar këtë ndeshje si një ndër më të bukurat në parket.

Bravo të dy skuadrave për lojën e bukur që na dhuruan.

“KORÇA BOOM”