VOLEJ MESHKUJ/ Nesër Skënderbeu sfidon Studentin në kryeqytet!

Java e 6-të e kampionatit kombëtar në volejboll për meshkuj i ka luajtur dy ndeshjet e para, ndërkohë që takimi i fundit pritet të luhet nesër në kryeqytet. Është radha e Skënderbeut të Arben Priftit që nesër të zbresë në fushë dhe në këtë javë të 6-të do të duhet të përballet me Studentin në Tiranë.

Pikërisht nesër më 22 tetor në orën 15:00 në kryeqytet luhet Studenti-Skënderbeu, një takim që djemtë bardhekuq do të duhet ta fitojnë për vetë pozitat që kanë në tabelën e klasifikimit.

Në pesë javët e para Skënderbeu ka vetëm 1 fitore, pra ndodhet në kuotën e tre pikë dhe mban vendin e parafundit me 3 pikë, ndërkohë që Studenti ndodhet në kuotën e 6 pikëve dhe nëse fiton nesër Skënderbeu barazohen me pikë.

Kampionatin kombëtar e kryesor Partizani me 12 pikë, ndjekur nga Tirana dhe Vllaznia.

Në këtë mënyrë Skënderbeu nesër shkon në Tiranë vetëm për fitore ndaj Studentit, një ndeshje delikate dhe e rëndësishme për badhekuqtë, që këtë sezon nuk janë ai Skënderbe i sezonit të kaluar.

“KORÇA BOOM”