VOLEJ MESHKUJ: Klubi shumësportësh konfirmon Arben Priftin edhe për 1 sezon trajner të Skënderbeut

NJOFTIM ZYRTAR NGA KLUBI SKËNDERBEU VOLEJBOLL MESHKUJ

Klubi Shumësportësh Skënderbeu ka kënaqësinë të njoftojë zyrtarisht vazhdimin e bashkëpunimit me Z. Arben Prifti, në rolin e trajnerit të ekipit të meshkujve në volejboll, për sezonin e ri 2025.

Pas një sezoni të shkëlqyer ku ekipi u shpall nënkampion i Shqipërisë, trajneri Prifti do të vijojë të udhëheqë skuadrën me të njëjtin profesionalizëm, pasion dhe vendosmëri. Nën drejtimin e tij, ekipi ka treguar identitet të fortë garues, disiplinë dhe zhvillim të qëndrueshëm.

Projekti për sezonin e ardhshëm do të bazohet kryesisht në elementin vendas – lojtarët korçarë, të cilët kanë qenë dhe do të mbeten themeli i këtij ekipi. Besimi te djemtë e qytetit tonë është një zgjedhje strategjike dhe një vlerë që klubi e ka përqafuar me bindje.

Me mbështetjen e tifozëve tanë të zjarrtë dhe bashkëpunimin e ngushtë të komunitetit sportiv, synimi është i qartë: të ndërtojmë mbi suksesin dhe të shkojmë edhe më lart!

Skënderbeu nuk është thjesht një klub – është Korça, është pasion, është krenari.

Me respekt,

Klubi Shumësportësh SKËNDERBEU

“Skënderbeu është Skënderbeu”

“KORÇA BOOM”